Tamang Rated PG

Alin sa dalawa ang mali: Very Bad o Colour?

Bading ang English teacher ko, isalaysay.

Nabangit ko na din ang aking English teacher na ewan ko kung nakapasa sa Teacher’s Licensure Examination, sa kanya ko natutunan ang isang mahalagang bagay sa mundo. Wag laging paniwalaan ang mga kakaibang bagay na sinasabe ng teacher, kung may pagdududa sa kanyang mga sinasabi, ipag-bigay agad sa kinauukulan. Bata man tayong sinasaksakan ng mga kung anu-anong bagay tungkol sa pagkamatay ni Rizal dahil baka tanungin tayo tungkol sa mga girlfriend niya pag-ininterview tayo sa trabaho, pagcompute ng gravitational pull ng earth dahil baka sakaling kailanganin pag nahuhulog na tayo mula sa tenth floor ng building, paghahanap ng hindi mahanap-hanap na X sa geometry problem e kitang-kita mo naman siya bakit pa kailangang i-solve, pagkakabisado sa Preamble ng Pilipinas dahil baka paghawak na tayo ng mga abusayaf magkaroon ng Who want’s to be a Billionaire?, pagsagot sa angle of Elevation at Depression na pwede daw gamitin pag sakaling masira ang airplane na sinasakyan natin, ang problema lang kailangan mong magcompute while airborne at bawal ang hindi scientific calculator, at iba pang bagay na maa-ari nating gamitin sa life and death situations. How thoughtful of them. Pero hindi sapat ang puro tanggap, baka kasi kotongan ka ng employer mo pag nagsabi ka ng Very Bad!

Maaalala mo pa ba ang Newton’s 2^nd Law kapag sasaksakin ka na?

Gawing tama: Malaki ang tulong ni Impeng Negro sa buhay mo.

Mula sa mga nabangit kong pagkakataon at hindi marinig na reklamo sa mga gurong nagtuturo, DepEd at CHED, naniniwala pa din akong lahat ng tinuturo nila ay pasasaan pa ay kailangan din naming mga pag-asa ng bayan, naming mga future architects, future engineers, future doctors, future lawyers, future teachers at syempre, ang pinakadakila sa lahat, future tambays. Naniniwala akong lahat ng nasa curriculum namin ay kailangan ng sambayanan, kailangan ng mga tambay sa mundong walang pakundangang inuututan ang mga halaman. Malugod naming niyakap ang mga aral mula sa libro. Bukas kamay naming hinaplos ang kurba ng daan patungo sa inaasam na kaalaman at grades na higher than 74. Pikit mata naming inaabot sa magulang namin ang report card naming namumula. Nagpapakabingi kami pagsinasabihang gumawa ng assignment kesa manuod ng porn sa youporn, youjizz, bangbus, redtube at iba pang user-friendly na porn site. Malayo-layo na din ang itinakbo namin sa mundo, tinakbo mo, tinakbo niya.

Tambay ka ba?

Galit ako sa tambay, ipaliwanag.

Tanda ko pa nung high school ako, maugong na talakayan ang “idinidikta ba ng grades mo ang success level mo in the future?“ Ka-level ng tanong na yan ang ilan sa mga patok na drama noong unang panahon tulad ng: Gaano ka dalas ang minsan?, Kasalanan bang ibigin ka? at Itawag mo sakin ay Ligaya. Wag na lamang pansinin ang huling palabas dahil wala na akong maisip na iba. Wag kang epal. Dinidikta nga ba ng numero ang kinabukasan mo? Pagmataas ang grades mo, lapitin ka. Pangit ka man, may putok tulad ng mga jeepney drivers, may mukhang tinubuan ng isang bansang pimples tulad ng isa kong kaibigan (XD Siguro tinamaan siya ng meteor ngayon!) at mukhang abstract painting ni Cloud lapitin ka pa din mapa-babae man o lalaking nagkukunwaring lalaki. Ganito din kaya pagnasa-labas ka na ng apat na sulok na silid? Ganito pa din kaya pag nagta-trabaho ka? Napapansin mo bang puro ako tanong?

Aminin, pasan mo ba ang daigdig? Exception for hunchbacks.

Teacher o rapist, sinong masmadami sa mundo?

Ang salita daw ay isang gamit pandigmaan na walang kasing lakas kung sumabog. Talo pa ang nuclear bomb sa pagsira ng isang tao, isang bayan, isang bansa. Gaano nga ba kalakas ang epekto ng isang salita sa isang tao? Pagsinabihan ba kita ng tanga, manginginig ka ba sa galit? E kung pangit? Sabi nga ng aking kaibigan na walang kahiya-hiyang pinamukha sa akin na pangit ako, truth bites. Yeah I know, nalunon na nga ako sa sinabe niya. Pero may tama siya. Hindi mo na kailangan ng isang libong sundalo para sirain ang buhay ng isang tao. Gawan mo lang siya ng issue, wasak na yan. (tumutugtog nanaman yung favorite soundtrack ng mga manyak. *Careless whisper*) Magkalat ka ng tsismis na may-putok siya o kaya may something sa tutut niya. Tsismis dito, tsismis don. Mahirap bang alisin sa sirkulasyon ng dugo natin ang pagkakalat ng tsismis? Sabi ng aking Filipino teacher habang pinag-aaralan at ginagamay ang parte ng El Filibusterismo, Noli Mi Tangere at katawan ni Maria Clara ng manyak na padre, ang ugaling pala-tsismis ay nakuha natin sa mga kastila. Naniniwala naman ako sa kanya dahil nga teacher siya at sinulat din yon ni Dr. Jose Rizal. Pero minsan di mo din ako masising mag-doubt, lalo ng nakita ko yung naka-ukit sa wall ng cave. Nakaukit sa wall ng cave na naka-alibata pa ang “Supot pa si Rajah Humabon.”

May school ba for professional maniac acts?

Kung wala, handa ka bang makisyoso sakin para magtayo ng isa?

Ayon sa aking isang source na hindi ko papangalanan dahil baka kunin mo din, Gossip is the root of socialism, without it the people will crumble into pieces. Naniniwala ka ba? Ang sabi ng aking source sa wikang tagalog; Ang tsismis ang ugat ng pakiki-sosyal, kung walang tsismis ang mga tao ay magiging ice cream sila. Nung tinagalog ko lalo akong naguluhan kaya napagpasiyahan kong intindihin in English. Naiintindihan ko naman kahit papaano, ito ang ilan sa mga naiintindihan ko:

1.       Ang gossip ay mahalaga para maging busy ang mga nanay.

2.       Ang gossip ay ugat ng pakiki-salamuha sa tao hindi pakiki-sosyal.

3.       Ang pagkawala ng gossip ay maaring magdulot ng pagkakawatak ng tao.

4.       Hindi lahat ng may crumble ay flavor na ng ice cream.

5.       Ang salitang gossip ay mas-sosyal kesa sa tsismis kaya ito na ang ginamit ko.

6.       Ang gossip tulad ng gamot at alak ay kailangan in moderation.

Mamatay ka man, hindi pa ba naiiwan ang titig mo sa boobs ng kaharap mo?

Pagnilagyan ng sexing babae ang bawat pahina sa Math book, gaganahan kang mag-aral?

Tamang may inspirasyon ang isang tao. Tamang may pinaghuhugatan ng lakas ang isang taong nanghihina. Sabi nga ng longest-running-talk-show-and-television-gay-host na mabait at hindi napapagod sa pagtakbo, manghihina ka bago ka lumakas. Sa bawat panghihina ay may kaakibat na bigat, ngunit sa bigat ding yoon makikita ang isang bagay na paghuhugatan mo ng lakas para lalo pang tumayo at maging malakas. Hindi mo kailangan magtanong kung sino at ano ang magiging inspirasyon mo, kusang darating yan sa buhay mo, kusang darating sa utak mo tulad ng pagsulpot ng porn sa mundo. Ang iba jan ang inspirasyon ay ang kanilang pamilya na lugmok sa kahirapan na gusto nilang iangat sa putik na kanilang kinasadlakan. Ang iba naman ay ang pamilya ng kanilang minamahal, gusto nilang magpa-impress. May iba ding inspirasyon ang crush na liligawan tapos magiging sila, tapos pagnagsawa na sasabihing ayaw na dahil disturbance sila sa buhay. May mga tao ding pinakakawalan ang taong ginawang inspirasyon dahil alam nilang hindi mangyayare ang gusto nilang mangyare tulad ng kaibigan kong pinagpapantasyahan ang model ng Victoria’s Secret. Sana matauhan na siyang hindi pwedeng abutin ng dila ang esophagus. Walang masama sa inspirasyon kaya sana suportahan ako ng mga estudyanteng bored mag-aral ng math. I-sulong natin ang School Code 69 na naglalayong lagyan lahat ng librong pang-akademiko ng mga inspirasyon, hindi tulad nila Aristotle, Pythagoras, Newton at iba pang puro ulong picture ng mga sikat na patay na o pinatay na dahil masyadong matalino. Yung mga inspirasyong habang nag-babasa ay gaganahan pa lalo at mananabik sa kakaisip kung sino ang nasa next page. Mga inspirasyon na nakalathala na sa ibang babasahin tulad ng FHM at Penthouse. Mga inspirasyong taon-taon pinagbobotohan malaman lang ang top100. Isulong natin ang School Code 69 na naglalayong ilagay ang whole-body-sexy-nude-picture ng mga babaeng napabibilang sa top100 sexiest women in the world, Victoria Secret Girls, Playboy Bunnies, Penthouse ladies, Japan’s best, America’s best at best of the best P stars. Ang mga inspirasyong ito ay magpapatigas ng ating luob para mag-aral. Magpapa-haba ng ating pasensya sa pagbabasa. Gigising sa ating natutulog na dugo. At magpapalabas ng ating tinatagong talino. Pustahan tayo by next month out of stack na lahat ng book. 

Sa tingin mo, pipirma kaya ang 150 congressman para ipasa ang School Code 69 tulad ng hamon ni Corona sa kanila sa kanilang SALN?

May namimiss ako, bakit?

Maraming tambay sa Pilipinas. May mga tambay na hindi na nakapag-aral dahil sa hirap ng buhay. Ang iba naman huminto dahil bumagsak sila sa school, nakakuha ng 74 na grade (isa na lang e! Badtrip). Pero ang pagiging tambay ay hindi dinidikta kung ano ang ginawa mo habang nag-aaral ka. Hindi dahilan ng teacher mo kung bakit nangungulangot ka sa iskinita, hindi nila kasalanang hindi ka nag-aral. Hindi kasalanan ng magulang mo kung tamad ka, pinag-aral ka sinayang mo. Hindi dahilan ang kahirapan para umunlad, hindi mo kasalanang pinanganak kang mahirap pero ang mamatay ng dukha ay kasalanan mo. Mahiya ka pre! May mga batang wala pang sampong taong gulang ang nagbabanat na buto mabuhay lang. Disi-otso ka na, talo ka pa ng aso. Disi-nwebe ka na, ikaw pa ang promoter ng tsismis. Bente ka na masprioridad mo pa din ang porn. Bente-uno ka na nakabuntis ka pa, wala ka pang trabaho, kanino ka titira? Kay mama? Papa? Wag mo na pa-abutin ng bente-tres, pakamatay ka na. Nakakataba ka lang sa populasyon ng unemployed sa pinas. Didelehensya ka? Magnanakaw? Mangho-holdap ng mga Taxi driver na kumakayod bente-kwatro oras may maibigay lang sa pamilya nila? Ganito na lang ba ang gusto mo? Higa, tulog, gising, kain (optional), sex (mandatory), kulangot (hobby), higa, tulog? Sa sobrang hectic ng schedule mo wala ka ng oras maligo, dadagdag ka pa sa air pollution. 

Last na ulit, Tambay ka ba?

Galit ako sa tambay, patunayan gamit ang pwet.

Gumising ka na. Gumising na tayo. Hindi sa lahat ng pagkakataon ang magulang nan jan, mawawala sila tulad ng mga taong nakadiskubre ng value ng Pi na three point something. Tulad ng punong nalalagas, mauubos din ang dahon nila. Hayaan mong maambunan ka ng dahon nila, gamitin mo. Itago mo. Tulad ng punong nalalagas, maiiwan ang kahoy. Hayaan mong damhin ang init ng kahoy, hayaan mong dumaloy ang dakta sayong sarili. Magbago ka, magsimula ka sa sarili mo. Simulan mong itapon ang tsismis na bad breath si mang kanor kaya walang kissing scenes ang mga video niya. Burahin mo na yung one-hundred-and-fifty clippings mo ng porn sa cell phone, mag-iwan ka lang ng lima. Tigilan mo na ang pagmura mo sa teacher mo na binagsak ka. Tama na ang pagpupunas ng kulangot sa bahay ni kuya, baka mapatawag ka sa confession room. Magising ka na, magtrabaho ka. Wag ka ng mang-holdap. Maawa ka sa mga malinis magtrabaho. Wag mong pakainin ng nakaw ang anak mong walang muwang sa mundo. Tandaan mo na ang isa sa law ni Newton ay Do not do to others what you don’t want others do unto you. Pero syempre joke lang yun na kay Newton yan, golden rule yan. Pabayaan mo na muna ang mga politikong kurakot. Paunlarin mo ang sarili mo. Walang masama maging janitor, basurero nga nagha-Hi pa sa TV. At kung bata ka pa, walang anak, walang kinahuhumalingang bisyo, at may pagkakataon pang mag-aral, mag-aral ka. Wag mong ipagpalit ang halos labing-limang pag-aaral sa isang taong katamaran na magpapatuloy sa buong buhay mong pagkabigo.

                Seriously, mukha ba akong seryoso?

                Naniniwala ka ba sa mga boka ko?

                Wala naman akong gustong patunayan, wala akong gustong palabasin. Hindi ako perpekto, hindi din maayos. May mga sarili tayong kagaguhan sa katawan, may mga sarili tayong kasiraan. Humayo ka at alamin ang mundong nasa likod ng kalawanging bakod. Diskubrehin ang makakaya at humanap ng sandalang gagawin mong inspirasyon. Gamiting tungtungan ang kaalaman para maabot ang tagumpay. Maging masaya para sa sarili at sa iba, tahakin ang tuwid at tamang landas. Ipabagsak ang batas laban sa porn. Ibasura!

                FACT: Ipinasa sa congresso ang batas laban sa mga taong may porn sa cell phone, laptop at iba pang gadget na pwedeng paglagyan ng pornographic videos/images. Pwedeng makulong at pagbayarin ng multa ang mahuhulihan ng mga nasabing malaswang bagay.