Kilala mo ba ako?

Kilala mo ba ako?

Kilala ba kita?

Ito ang mga tanong na maaring sagutin ng OO at HINDI, ngunit pag-idinagdag na ang katagang “TUNAY”, mahirap ng sagutin kung sigaradong OO.

Tunay mo ba akong kilala?

Tunay ba kitang kilala?

Madami ka ng kilala, madami na din akong kilala pero sa mga taong mga kilala natin, friends sa Facebook, follower sa Twitter, ka-Tumblr, ka-Multiply at ka-Youtube, tunay ba natin silang kilala? Alam ba natin ang kalagayan nila? Ang birthday nila? Ang tirahan nila? At kung anu-ano pang bagay na tungkol sa kanila? Sakin? At sayo? 

Friend ba kita sa Facebook?

Follower ba kita?

Mahirap na ngang mabuhay sa mundong iginapos na ng Wifi, Broadband, DSL at sa mga kalunoslunos na pagkakataon, ng Telephone Wire kung Dial-up pa din ang gamit. Hindi pa nakuntento sa Abacus at MARK I ang mga tao kaya’t gumawa pa ng Super-Computer na pinaliit sa Desktop. Hindi pa din nakuntento ang mga manyak na scientist, reklamo nila ay masyadong malaki para manuod ng porn at hindi sila makakapanuod kapag nasa labas sila ng bahay kaya gumawa pa ng masmaliit na computer, Laptop. Mula naman sa nagmamaliit na laptop ay nabuo ng mga kumpanyang gumagawa ng porn ang notebook dahil masmaliit at masmadaming bibili at magsu-subscribe sa porn site nila anywhere at anytime. Naging malago na nga ang teknolohiya sa mundo, umabot na din sa buwan ang apak ng tao, nalasap na ang kalawang sa Venus, nasaksihan na ang bagyo sa Mars, nakapag-chill sa rings ng Saturn at pinatalsik na ang Pluto bilang isang planeta na lubhang ikinalungkot ng Neptune dahil ayaw niya maging last sa listahan. Pero tayong mga 3^rd world country ay walang magawa kundi ngumanga habang nagdadaan ang amerikanong may hawak na high-tech phone. 

May I-Phone ka?

Touch screen ba cell phone mo?

Dahil na din sa sobrang paglago ng teknolohiya sa bansa, hindi na din nagpahuli ang mga Cellular Phones. Mula sa di-antenang cell phone, nag-evolve na tayo sa walang antenang cell phone. Pang-text lang dati ang cell phone, kung matatandaan ng iba,  na-uso pa ang beeper na bidang-bida sa mga pelikulang 90’s. Tulad sa mga gumawa ng computer, di maiiwasang ma-ingit ang mga cell phone. Una, nilagyan ng pantawag tapos nilagyan na din ng CHAT para medjo sosy at hindi sabihing low-class. Dahil nabagot ang may-ari ng cell phone ng nagda-drive siya, naiisip niyang lagyan ng radyo ang cell phone para medjo cool, tapos naidagdag pa ang MP3 player na di kalaunan ay naging MP4 player. Hindi na nagpahuli ang mga babaeng hinihingian ng picture ng manyak nilang ka-text kaya nailagay na din ang Image Viewer at Camera sa cell phone. Mula naman sa isang tatay na dating nag-gGym, dahil daw sa mga manyak naisip ng mga gumagawa ng cell phone ang Video player at Video recorder na-ilagay sa cell phone. At patunay ang buong showbiz sa pag-gamit ng Video recorder sa makamundong kalaswaan (Bakit may careless whisper?). At syempre, dahil nga laganap na ang makamundong kuneksyon, ang gumawa ng computer at cell phone ay nag-usap para gumawa ng PDA at hand-held assistants. Isinama pa ang Wifi, umusbong lalo ang maka-mundong kuneksyon at interaksyon ng bawat tao sa iba’t ibang bansa. Wag kakalimutan ang manyak.

Galit ka ba sa manyak?

Manyak ka ba?

Pagnawala ang Facebook, Twitter, Tumblr, Flickr, Youtube, Friendster, Multiply at iba pang social sites, baka ang tambayan na lang ng mga tao ay Wikipedia at Google na magpapatalino sa mga tao. Pwede ding tumambay sila sa Yahoo! at Skype para maghanap ng kapunsan ng sipon at kakamutan ng kati ng katawan. Kundi di naman, ang masmalala, sa porn sites sila tumambay at buong araw ng walang vacancy sa mga Motel, Hotel at bahay pahingahan. Pero ang pinaka-malaking epekto ng pagkawala ng mga social sites na yan ay ang malakihang pagkakawatak-watak ng pinundar mo sa Farmville at Pet Society. Ang pagkakaroon ng Amnesia dahil di mo na alam ang toong pangalan ng friend mo sa FB na kapag nakasalubong mo ay tatawagin mo “King paru-paru” sahalip na Voltae. Pagkawala ng taunang kalendaryo dahil di mo na alam na birthday pala ngayon ng syota mo. Pagdampot ng iyakeng babae sa daan na bigla ka na lang susuntukin ng BF niya, sabay bulong sa sariling “Shit! May-syota na pala yun? Di na ko updated a!” At ang pinakamalalang epekto ng pagkawala ng social sites ay ang malawakang riot sa school. Pag wala ng social sites wala ng battlefield sa babaeng nag-aagawan ng drop-out na syota. Wala ng battlefield sa mga lalaking nag-papaangasan kung sino ang may masmalaking ulo. Wala ng battlefield sa mga bading at babaeng nagpapagandahan parehas namang bagsak sa good manners and right conduct. At wala ng battlefield sa mga komentaristang lahat ng bagay pinakakailaman bukod sa mukha nilang tadtad ng kulugo. Wala ng battlefield na pwede silang maging iba, pwede silang maging matapang at pwede silang mang-apak ng katauhan ng ibang tao na di sila masaksaktan ng physical. In short, ang social sites ay ginagawang MGM Arena kung saan natalo si Pacquiao dahil nabugbug niya si Bradley. 

So?

SOOOOOO?!

Huminga ka ng matagal, mag-pause ka. Ang laswa pag mabilis ang pagkakabigkas. Dapat dahan-dahan lang para hindi dyahe sa bibig at malaswa sa pandinig. Hindi ka nagkakamali na limang beses lumitaw ang salitang manyak sa sinulat ko. Babalik ka sa taas para bilangin pero dahil luma na ang trick na to hindi ka na titingin sa taas. Pero kung nadale ka ng lumang trick na to, malalaman mong hindi lang limang beses lumabas ang manyak sa papel na ito at tatawa ka kung mababaw ang kaligayahan mo at magsasabi ng corny kung wala kang katiting ng kiliti sa katawan. Actually, nagtry ako ng find sa Microsoft Word 2007 at lumabas na nine words na manyak ang lumabas sa papel na ito.

Last na, Manyak ka ba?

Tama o Mali: Pang eleven na ang salitang manyak na ito.

Ayon sa The Great Big Book of Knowledge: with 1500 colour illustration na pinublished noong 2002 na binigay sakin ng kuya ko ng 2003 dahil birthday ko, ang meaning ng ugly ay: Cinderella’s sister were not pretty,they were Ugly Sisters. Ayon na din sa definition na binigay ng librong ito sakin, pilit kong hinanap si Cinderella para makita ang sisters niya, ng nakita ko siya sa TV, hindi ko na pinalagpas ang pagkakataon para makita ang sisters niya. Nakita ko sila. Tinitigan ko sila. Dalawa pala ang isturang pangit, isang super taba at isang super payat na mahabang baba. Ng mga panahong yon mataba ako. Kaya ang idinikta ng utak ko, PANGIT AKO. Ganyan dati ang ginagawa ng mga batang naghahanap ng kasagutan, tumitingin sa libro at TV sa halip na tumingin sa salamin para makita kung panget o hindi. Dyahe. Yan ang pagkakaiba ng mga bata noon at ngayon. Noon, tagaktak pawis, tulo laway at nakakatulog na sa harap ng encyclopedia, text book, comics at Hataw newspaper ang  mga bata maka-alam lang ng sagot at kaligayahan pero ngayon, isang click lang may sagot ka na sa assignment, copy-paste-print. Pero pag-epal ang teacher at gusto ng hand written wala ng palag ang bata. Hindi naman lahat ng bata ganon, may mga may kaya lang at mayayaman. Dahil sa harap ng mayayamang voice command at nagsasabing “Vangie, Where is the nearest CR?” may mga mahihirap pa ding magtatanong sa janitor kung saan ang kuhaan ng napkin pamunas ng ilong nilang basa. Pahabol lang, hindi ko kasalanang colour ang spelling ng color sa book, di ako publisher.

Anong kuneksyon ng pangit sa manyak?

Naniniwala ka ba sa mga sinabe ko?

Kung napansin mo, wala namang koneksyon ung dalawang epal na tanong bago ang per-paragraph di ba? Tapos, kung masyado ka pa ding matalino, napapansin mo na nililibang na lang kita at ginagawang sunud-sunuran dahil nagbabasa ka pa din hanggang ngayon tulad ng iniutos ko sayo. Bilang panghuling salita, ang gusto ko lang talaga masagot ay yung dalawang pangalawang tanong pagkatapos ng 1^st paragraph with one sentence sa taas. Kung di mo nasundan yung direksyon ko, congrats parehas tayo! Hindi din ako maalam sa direksyon, nalilito ako sa left and right at hindi ako bihasa sa compass. Tama na ang mga kalokohang ito at sagutan na lang ang mga pinasasagutan ko. Kumuha ka ng ballpen at sagutan ang mga sumusunod:

Tunay mo ba akong kilala?

Tunay ba kitang kilala?

Maalala ko lang, sabi ng macho kong English Teacher: A Faragraf ish consist of sheven sentences at least. If it’s not, very bad!

FACT: Walang machong English teacher, madalas bading.